ദേശീയ - സംസ്ഥാന തല ഗയിംസ് മത്സരങ്ങളിൽ

 മികവുറ്റ പ്രകടനം നടത്തി ശ്രദ്ധ നേടിയ നമ്മുടെ 

പ്രിയ വിദ്യാർത്ഥികൾ

കേരള സ്കൂൾ ഗയിംസ് ഹോക്കി  സീനിയർ

                       (പെണ്‍ കുട്ടികൾ ) 

മത്സരത്തിൽ രണ്ടാം സ്ഥാനം നേടിയ ടീമിലെ 
                         അംഗങ്ങൾ 

 
 

Read More

ദേശീയ - സംസ്ഥാന തല ഗയിംസ് മത്സരങ്ങളിൽ

 മികവുറ്റ പ്രകടനം നടത്തി ശ്രദ്ധ നേടിയ നമ്മുടെ 

പ്രിയ വിദ്യാർത്ഥികൾ

കേരള സ്കൂൾ ഗയിംസ് ഹോക്കി  സീനിയർ മത്സരത്തിൽ രണ്ടാം സ്ഥാനം നേടിയ ടീമിലെ  അംഗങ്ങൾ 

Read More

ദേശീയ - സംസ്ഥാനതല ഗയിംസ്

ദേശീയ  - സംസ്ഥാനതല ഗയിംസ് മത്സരങ്ങളിൽ മികവുറ്റ പ്രകടനം നടത്തി ശ്രദ്ധ നേടിയ  നമ്മുടെ  പ്രിയ വിദ്യാർത്ഥികൾ 

ദേശീയതലം 
ഹോക്കി  ടീമിൽ സെലക്റ്റ്  ചെയ്യപ്പെട്ടവർ 

                                              അതുല്യ. ബി. ആർ . X B

  വൈഷ്ണവി  ചന്ദ്രൻ. IX  C

അഭിരാം  സജീവ്‌.  X D

Read More

സ്കൂൾ കലോത്സവം

സ്കൂൾ കലോത്സവം നവംബർ  5,6 & 7  തീയതികളിൽ  നടക്കും, എല്ലാ രക്ഷകർത്താക്കളേയും  സാദരം ക്ഷണിച്ചു കൊള്ളുന്നു .

Read More

ബഹിരാകാശ വാരാഘോഷം

ശാസ്ത്ര,  സാമൂഹ്യ ശാസ്ത്ര ക്ലബ്ബ്കളുടെ  ആഭിമുഖ്യത്തിൽ  ബഹിരാകാശ  വാരാഘോഷം  സംഘടിപ്പിച്ചു. ആര്യഭട്ട , ചാന്ദ്രയാൻ,  റോക്കറ്റുകൾ , സൗരയൂഥം  തുടങ്ങിയവയുടെ  മോഡലുകൾ,  മാധ്യമങ്ങളിൽ  വന്നിട്ടുള്ള  മംഗൾയാൻ  വിക്ഷേപണ  വിജയത്തിന്റെ  ചിത്രങ്ങൾ,   വാർത്തകൾ  എന്നിവയുടെ  ശേഖരം  എന്നിവയാൽ പ്രദർശനം സമ്പുഷ്ട്മായി  . UP  ക്ലാസുകളിലെ  കുട്ടികൾ  സംഘടിപ്പിച്ച  ഈ പ്രദർശനം  സയൻസ്  ലാബിൽ  വച്ചാണ്   നടത്തിയത്‌.   കുട്ടികളുടെയും  UP  വിഭാഗം  അദ്ധ്യാപകരുടേയും  പരി ശ്രമത്താൽ പ്രദർശനം മികവു പുലർത്തി.

Read More

കേരള ശാസ്ത്ര സാഹിത്യ പരിക്ഷത്ത്

കേരള ശാസ്ത്ര സാഹിത്യ പരിക്ഷത്ത് , യുവസമിതി  ചാത്തന്നൂരിന്റെ  ആഭിമുഖ്യത്തിൽ ഭോപ്പാൽ ദുരന്തത്തിന്റെ മുപ്പതാം  വാർഷികത്തിന്റെ  ഭാഗമായി  ഇരകളുടെ വർത്തമാനകാല  ജീവിതാവസ്തയുടെ  ഡോക്യുമെന്ററി  പ്രദർശനവും  സംവാദവും 24/ 10 / 2014 - ൽ  നടന്നു. ഡൽഹി സയൻസ് ഫോറം അംഗം ശ്രീ. എൻ . ടി. ജയ പ്രകാശ്‌, സി . ഡി . രാജശേഖരൻ  എന്നിവർ  നേതൃത്വം  നൽകി. VHSE , HS, UP  കുട്ടികൾ  പ്രദർശനത്തിൽ  പങ്കെടുത്തു.

Read More

ഗാന്ധി ജയന്തി വാരാഘോഷം

ഗാന്ധി ജയന്തി  വാരാഘോഷം    ഒക്ടോബർ  17 നു വിപുലമായ  പരിപാടികളോട് കൂടി സമാപിച്ചു.  മേഘാവൃതമായ  അന്തരീക്ഷവും   മഴയും  ഉണ്ടായിരുന്നെങ്കിലും  സ്കൂളും  പരിസരവും  വൃത്തിയാക്കുവാൻ  കുട്ടികൾ  ഉത്സാഹഭരിതരായി   പ്രവർത്തിച്ചു . കുട്ടികളുടെയും അദ്ധ്യാപകരുടെയും  അനദ്ധ്യാപകരുടെയും  രക്ഷകർത്താക്കളുടെയും  സഹായത്തോട്  കൂടി  പായസ വിതരണവും ഉണ്ടായിരുന്നു.

Read More

ശാസ്ത്ര, ഗണിത ശാസ്ത്ര, സാമൂഹ്യ ശാസ്ത്ര, പ്രവൃത്തി പരിചയ മേള

ചാത്തന്നൂർ ഗവ: ഹൈസ്കൂളിലെ  സംസ്ഥാന സ്കൂൾ ശാസ്ത്ര, ഗണിത ശാസ്ത്ര, സാമൂഹ്യ ശാസ്ത്ര, പ്രവൃത്തി പരിചയ മേളയുടെ (2014 - 15) സ്കൂൾ തല മത്സരങ്ങൾ 2014 ഒക്ടോബർ 15 ന് നടന്നു. രാവിലെ 10 മണിക്ക്  സ്കൂൾ ഹെഡ്മിസ്ട്രെസ്സ് 

ശ്രീമതി. ലളിതമ്മ. ഏസ്  ഉദ്ഘാടനം  നിർവഹിച്ചു. തുടർന്ന്  UP, HS, HSS  തലത്തിലെ  വിദ്യാർത്ഥികൾ  പ്രവൃത്തി  പരിചയമേളയുടെ  തത്സമയ  നിർമ്മാണ  മത്സരങ്ങളിൽ  പങ്കെടുത്തു. സയൻസ്, സോഷ്യൽ  സയൻസ് , ഗണിതം  എന്നിവയിലെ എക്സിബിഷൻ മികച്ച നിലവാരം പുലർത്തി. ഉച്ചയ്ക്ക്  2  മണി മുതൽ എല്ലാ വിഭാഗത്തിലെയും  LP  സ്കൂളിലെയും  കുട്ടികൾ  പ്രദർശനം  കാണാനെത്തി.

Read More

സ്കൂൾ വികസനസമിതിയുടെ യോഗം

സ്കൂൾ വികസനസമിതിയുടെ  യോഗം  ഒക്ടോബർ  17  നു വൈകിട്ട്  5 മണിക്ക്  സ്കൂളിൽ നടക്കുന്നതാണ്. എല്ലാ അംഗങ്ങളും  പങ്കെടുക്കണമെന്ന്  അറിയിക്കുന്നു    

Read More

സംസ്ഥാന സ്കൂൾ ശാസ്ത്ര ഗണിത ശാസ്ത്ര സാമൂഹ്യ ശാസ്ത്ര പ്രവൃത്തി പരിചയ മേള

സംസ്ഥാന സ്കൂൾ ശാസ്ത്ര ഗണിത ശാസ്ത്ര സാമൂഹ്യ ശാസ്ത്ര പ്രവൃത്തി പരിചയ മേളയുടെ  (2014 - 15) സ്കൂൾ തല മത്സരങ്ങൾ  2014 ഒക്ടോബർ  15 ന്  നടക്കുന്നതാണ്. 

Read More

ശബ്ദസംവിധാനം

ഹൈസ്‌കൂള്‍, യു.പി ക്ലാസ് മുറികളിലും കെട്ടിട സമുച്ചയത്തിന്റെ വിവിധ സ്ഥലങ്ങളിലും ശബ്ദസംവിധാനം സ്ഥാപിക്കുന്നതിന്റെ വയറിംഗ് ജോലികള്‍ പൂര്‍ത്തിയായി. ഏകദേശം ഒരു ലക്ഷം രൂപയോളം ചിലവ് പ്രതീക്ഷിക്കുന്ന ഈ സംരംഭത്തിനായി അന്‍പതിനായിരം രൂപ ഇതിനകം സ്വരൂപിച്ചു.  ഇതില്‍ നാല്‍പ്പതിനായിരം രൂപ ഹൈസ്‌കൂള്‍, യു.പി വിഭാഗം അദ്ധ്യാപകരും പതിനായിരം രൂപ പൂര്‍വ്വ വിദ്യാത്ഥിയായ ശ്രീ.സുരേഷ്‌കുമാര്‍  (കലാതിലകം  1978  SSLC )  നല്‍കിയതുമാണ്. ഈ സംവിധാനം ഉപയോഗിച്ച് റേഡിയോ ക്ലബ് പ്രവര്‍ത്തിപ്പിക്കുന്നതിലേക്കായി പതിനായിരം രൂപ വിലയുള്ള കോഡ്‌ലെസ്സ് മൈക്ക് തന്റെ അച്ഛന്റെ ഓര്‍മ്മയ്ക്കായി വാങ്ങി നല്‍കാമെന്ന് പൂര്‍വ്വ വിദ്യാര്‍ത്ഥിയും പൂര്‍വ്വ കണക്ക് അദ്ധ്യാപകന്‍ ജി..ശ്രീനിവാസന്‍ സാറിന്റെ മകനുമായ ശ്രീ. ദീലീപ് ശ്രീനിവാസന്‍1978  SSLC  സമ്മതിച്ചിട്ടുണ്ട്.  ക്ലാസ് മുറികളില്‍ സ്ഥാപിക്കാന്‍ ഉദ്ദേശിക്കുന്ന സ്പീക്കര്‍  ഒരെണ്ണം ആയിരത്തി അറുനൂറ് രൂപയാണ് കണക്കാക്കിയിട്ടുള്ളത്. ഇതിനായി കുട്ടികളുടെ പങ്കാളിത്തം ആവശ്യപ്പെട്ടിട്ടുണ്ട്. എങ്കിലും മിക്ക ക്ലാസ്സ്‌കളിലും പങ്കാളിത്തം കുറവാണ്.  ഒരു ക്ലാസിലേക്ക് സ്പീക്കര്‍  വാങ്ങുന്നതിനാവശ്യമായ തുക  അഞ്ച്, ഏഴ് ക്ലാസുകളിലെ കുട്ടികളുടെ രക്ഷകര്‍ത്താവും പി. റ്റി. എ എക്‌സിക്യൂട്ടീവ് അംഗവുമായ ശ്രീ.ബിജു  കൊച്ചംബനാട്  നല്‍കാമെന്ന് സമ്മതിച്ചിട്ടുണ്ട്. ഈ സംരംഭം പൂര്‍ത്തിയാക്കുവാന്‍ സന്മനസ്സുള്ളവര്‍ അറിയിക്കുക. 

Read More

അധ്യാപക - രക്ഷകർത്തൃസമിതി വാർഷിക പൊതുയോഗം

അധ്യാപക - രക്ഷകർത്തൃസമിതി  വാർഷിക  പൊതുയോഗം 

ചാത്തന്നൂർ ഗവ: ഹയർ സെക്കൻഡറി സ്കൂളിലെ അധ്യാപക - രക്ഷകർത്തൃസമിതിയുടെ 2014 - 15 അദ്ധ്യയനവർഷത്തെ  വാർഷിക  പൊതുയോഗം 01/ 10 / 2014  ബുധനാഴ്ച  ഉച്ചയ്ക്ക്  2 മണിക്ക്  സ്കൂളിൽ ചേരുന്നു. സ്കൂളിന്റെ സർവതോന്മുഖമായ  പുരോഗതി  ലക്ഷ്യമിടുന്ന  വികസന കൂട്ടായ്മയിലെ  ഒരംഗമാകാൻ  താങ്കൾ ഈ  പൊതുയോഗത്തിൽ കൃത്യമായും പങ്കെടുക്കണമെന്ന്‌ അഭ്യർത്ഥിക്കുന്നു. 

Read More

അധ്യാപക ഒഴിവ്

ചാത്തന്നൂർ ഗവ: വോക്കെഷണൽ  ഹയർ സെക്കൻഡറി സ്കൂളിൽ വൊക്കേഷണൽ  വിഭാഗത്തിൽ കെമിസ്ട്രി  നോണ്‍ വൊക്കേഷണൽ അധ്യാപക  ഒഴിവുണ്ട്. താത്പര്യം ഉള്ളവർ അസ്സൽ സർട്ടിഫിക്കറ്റുകൾ സഹിതം 2014  സെപ്തംബർ 29 ന്  രാവിലെ 11 ന് സ്കൂൾ ഓഫീസിൽ കൂടികാഴ്ചയ്ക്ക്  ഹാജരാകണം .  

Read More

അഡ്മിഷൻ രജിസ്ട്രേഷൻ

ഹൈസ്കൂൾ വിഭാഗത്തിൽ  VIII  ഇംഗ്ലീഷ്,  UP  V  ഇംഗ്ലീഷ് ക്ലാസ്സുകളിൽ  2015- 16  അദ്ധ്യായന വർഷത്തിലേക്കുള്ള  അഡ്മിഷൻ  രജിസ്ട്രേഷൻ  ആരംഭിച്ചിരിക്കുന്നു.  രജിസ്റ്റർ  ചെയ്തു  അഡ്മിഷൻ ഉറപ്പാക്കു.

Read More

ഒന്നാം പാദ വാർഷിക പരീക്ഷ

ഒന്നാം പാദ വാർഷിക പരീക്ഷ  ചോദ്യപേപ്പറുകൾ  ഉത്തര സൂചികകൾ  എന്നിവ  HS  previous Questions / Malayalam Medium / Xth class  ലിങ്കിൽ ലഭ്യമാണ് . കടപ്പാട്  -  Bio-Vision

Read More

സ്റ്റുഡന്റ്സ് പോലീസ് കേഡറ്റ് ക്യാമ്പ്

സ്റ്റുഡന്റ്സ് പോലീസ് കേഡറ്റ്  ക്യാമ്പ്  സമാപിച്ചു. 

       ചാത്തന്നൂർ ഗവ: വോക്കെഷണൽ  ഹയർ സെക്കൻഡറി   സ്കൂളിൽ  നടന്നു വന്ന  SPC- യുടെ ത്രിദിന  ക്യാമ്പ്  സമാപിച്ചു. ഹരികുമാർ  നയിച്ച യോഗ ക്ലാസ്സ്‌, ഫിസിക്കൽ  ട്രെയിനിംഗ്, സെറിമോണിയൽ പരേഡ് പ്രാക്ടീസ് , CPO ആര്യയുടെ വ്യക്തിത്വ വികസന ക്ലാസ്സ്‌, കേഡറ്റുകളുടെ കലാപരിപാടികൾ  എന്നിവയും ഉണ്ടായിരുന്നു.

   സമാപന സമ്മേളനം  CI  അനിൽകുമാർ ഉത്ഘാടനം ചെയ്തു. SMC ചെയർമാൻ സതീഷ്‌ ചന്ദ്ര ബാബു  അധ്യക്ഷനായിരുന്നു. എൻ. രവീന്ദ്രൻ ,  CPO അനിൽകുമാർ . എൻ . ACPO . ലേഖ, വിജയൻ  ദിവാകർ, അനിൽ ലാൽ, ശോഭ തുടങ്ങിയവർ പ്രസംഗിച്ചു. ജാനകി.എം. നായരുടെ സംഗീതവിരുന്നും  ഉണ്ടായിരുന്നു.

Read More

ഓണാഘോഷം 2014

ഈ  വർഷത്തെ ഓണാഘോഷങ്ങൾ അഗസ്റ്റ് 5 ന്  നടന്നു. അത്തപ്പൂക്കള  മത്സരം , ഓണപ്പാട്ട് മത്സരം എന്നിവയും  ഉണ്ടായിരുന്നു. സ്കൂൾ  അങ്കണത്തിൽ  പണികൾ  നടക്കുന്നതിനാൽ  ആഘോഷങ്ങൾക്ക്  പകിട്ട്  കുറവായിരുന്നു. UP, HS, HSS  വിഭാഗങ്ങളിൽ 
നല്ല അത്തപ്പൂക്കളങ്ങൾ പിറന്നു.

Read More

സ്കൂൾ പാർലമെന്റ് തിരഞ്ഞെടുപ്പ്

സ്കൂൾ പാർലമെന്റ്  തിരഞ്ഞെടുപ്പ്  ആഗസ്റ്റ്‌ 22  ന്  നടന്നു. വിജയികൾക്ക് അനുമോദനങ്ങൾ !!!! ക്ലാസ്സ്‌ ലീഡർ, സ്കൂൾ  ചെയർമാൻ,  വൈസ്ചെയർമാൻ, സെക്രട്ടറി  ജോയിന്റ് സെക്രട്ടറി, ലിറ്ററൽ ക്ലബ്‌ സെക്രടറി,ലിറ്ററൽ ക്ലബ്‌ ജോയിന്റ് സെക്രട്ടറി, ആർട്സ് ക്ലബ്‌ സെക്രടറി, ആർട്സ് ക്ലബ്‌ ജോയിന്റ് സെക്രട്ടറി, സ്പോർട്സ്ക്ലബ്‌ സെക്രട്ടറി,സ്പോർട്സ്ക്ലബ്‌ജോയിന്റ് സെക്രട്ടറി എന്നിവരെയും തിരഞ്ഞെടുത്തു. ഇവരുടെ സത്യപ്രതിജ്ഞ  അടുത്ത  സ്കൂൾ അസ്സംബ്ലിയിൽ  വച്ച് നടക്കും.

Read More

ദേശാഭിമാനി "അക്ഷരമുറ്റം" ക്വിസ്

ഇന്ന്  ദേശാഭിമാനി  "അക്ഷരമുറ്റം" ക്വിസ് മത്സരം എഴുത്തച്ചൻ മണ്ഡപത്തിൽ വച്ച് ഉച്ചക്ക് 2 മണിക്ക് നടന്നു. മത്സരത്തിൽ  പത്താം  ക്ലാസ്സ്‌ വിദ്യാര്‍ത്ഥി കൃഷ്ണനുണ്ണി, മുഖേഷ്, പാർത്ഥൻ  എന്നിവർ 1,2 ,3  സ്ഥാനങ്ങൾ നേടി. 126  കുട്ടികൾ മത്സരത്തിൽ പങ്കെടുത്തു.

Read More

സമഗ്ര വികസന സമിതി മുഖേന നടത്തുന്ന നിർമ്മാണ പ്രവർത്തനങ്ങളുടെ ഉദ്ഘാടനം

ചാത്തന്നൂർ നിയോജക മണ്ഡലത്തിൽ ബഹുമാന്യ MLA  ശ്രീ. ജി.എസ് . ജയലാൽ   നേതൃത്വം നൽകി  നടന്നു വരുന്ന സമഗ്ര വിദ്യാഭ്യാസ വികസന  പദ്ധതിയുടെ ഭാഗമായി ചാത്തന്നൂർ Govt. VHSS - ന്റെ സമഗ്ര വികസന സമിതി മുഖേന നടത്തുന്ന നിർമ്മാണ പ്രവർത്തനങ്ങളുടെ ഉദ്ഘാടനം ഓഗസ്റ്റ്‌ 20 ഉച്ചയ്ക്ക് 2 മണിക്ക് ബഹു: ഗ്രാമപഞ്ചായത്ത്  പ്രസിഡന്റ്‌ ശ്രീ .എ. സുരേഷിന്റെ സാന്നിധ്യത്തിൽ ബഹു:  MLA  ശ്രീ. ജി.എസ് . ജയലാലും  ഇനാം ടവർ ഉടമ ശ്രീ.ഷാജഹാനും ചേർന്ന് നിർവഹിച്ചു. തദവസരത്തിൽ ബഹു: കൊല്ലം  ജില്ലാ പഞ്ചായത്ത് ആരോഗ്യ - വിദ്യാഭ്യാസ സ്റ്റാൻറ്റിങ്ങ് കമ്മിറ്റി ചെയർ പേഴ്സൻ ശ്രീമതി. മായ സുരേഷ്, വാർഡ്‌  മെമ്പർ  ശ്രീമതി. ശൈലജ  പ്രേം, മുൻ പഞ്ചായത്ത്‌ പ്രസിഡന്റ്‌ ശ്രീ.വി.സണ്ണി, SMC  ചെയർമാൻ  ശ്രീ. സതീഷ്‌ ചന്ദ്ര ബാബു, വികസനസമിതി  ചെയർമാൻ ശ്രീ. സജാദ് സഹീർ , കണ്‍വീനർ അഡ്വ: ആർ. ദിലീപ് കുമാർ, ജോയിന്റ് കണ്‍വീനർ ശ്രീ.വിവേക്.കെ.ജി., HM  ശ്രീമതി ലളിതമ്മ. എസ്, HSS  പ്രിൻസിപ്പൽ ഇൻ ചാർജ്  ശ്രീമതി. ശ്രീജ , VHSE പ്രിൻസിപ്പൽ ഇൻ ചാർജ്  ശ്രീമതി. രാഖി, രക്ഷിതാക്കൾ  അദ്ധ്യാപകർ വിദ്യാര്‍ത്ഥികള്‍ എന്നിവർ പങ്കെടുത്തു .

HS  വിഭാഗം ഇരുനില  കെട്ടിടത്തിന്റെ ക്ലാസ്സ്‌ മുറികൾ പൂർണ്ണമായും മള്‍ട്ടിമീഡിയ ക്ലാസ്സ്‌ മുറികളാക്കി  നവീകരിക്കുന്നതിനുള്ള ഏകദേശം ആറ് ലക്ഷത്തി എഴുപത്തി അയ്യായിരം രൂപ  പൂർവ്വ  വിദ്യാര്‍ത്ഥിയും  "ഇനാം ടവർ" ഉടമയുമായ ബയ്ത്ത്-അൽ-ഇനാം വീട്ടിൽ  ശ്രീ. ഷാജഹാനാണ്  വഹിക്കുന്നത് . 

Read More

ദേശഭക്തി ഗാന മത്സരം

    സ്വാതന്ത്ര്യ ദിനഘോഷത്തോടനുബന്ധിച്ച് ദേശഭക്തി 
ഗാന മത്സരം  UP , HS, HSS,  വിഭാഗങ്ങളിൽ   എഴുത്തച്ചൻ മണ്ഡപത്തിൽ  വച്ച് 2014 ആഗസ്റ്റ് 18 ന്    ഉച്ചക്ക്  1  മണിക്ക് നടന്നു. എല്ലാ വിഭാഗത്തിലെയും  കുട്ടികൾ പങ്കെടുത്തു.  ഒന്നും രണ്ടും സ്ഥാനങ്ങൾ ലഭിച്ച  ഗ്രൂപ്പിന് സമ്മാനങ്ങൾ സ്കൂൾ അസ്സംബ്ലിയിൽ വിതരണം ചെയ്യും.  

Read More

സ്വാതന്ത്ര്യദിനാഘോഷം 2014

         ചാത്തന്നൂർ ഗവ.ഹയർ സെക്കണ്ടറി  സ്കൂളിൽ സ്വാതന്ത്ര്യ ദിനാഘോഷം ഭംഗിയായും ചിട്ടയായും നടന്നു. രാവിലെ 8.30 - ന് ഹെട്മിസ്ട്രസ് ശ്രീമതി. ലളിതമ്മ ടീച്ചർ ദേശീയ പതാക ഉയർത്തി.  വിദ്യാർത്ഥികൾ ദേശീയഗാനം ആലപിച്ചു. HSS  പ്രിൻസിപ്പൾ   ശ്രീമതി. ശ്രീജ, VHSE പ്രിൻസിപ്പൾ   ശ്രീമതി. രാഖി എന്നിവർ സന്നിഹിതരായിരുന്നു. സ്കൂൾ മാനേജ്മെൻറ് കമ്മിറ്റി  ചെയർമാൻ  ശ്രീ.സതീഷ് ചന്ദ്ര ബാബു സ്വാതന്ത്ര്യദിന സന്ദേശം നൽകി. സീനിയർ  അസ്സിസ്റ്റൻറ്  ശ്രീ. വിൽ‌സണ്‍ .സി.   സ്വാതന്ത്ര്യ സമര സ്മരണ പുതുക്കി .   സ്റ്റാഫ്‌ സെക്രട്ടറി ശ്രീ .സതീശൻ.എസ്. നന്ദി  രേഖപ്പെടുത്തി.

        

          തുടർന്ന്   SPC,  NCC, JRC, NSS, എന്നിവയുടെ നേതൃത്വത്തിൽ സ്കൂളിലെ മുഴുവൻ വിദ്യാർത്ഥികളേയും  പങ്കെടുപ്പിച്ചുകൊണ്ടു വിവിധ കലാ സാംസ്‌കാരിക വേഷങ്ങൾ ഉൾപെടുത്തി  വർണ്ണാഭമായ സ്വാതന്ത്ര്യദിന റാലി സംഘടിപ്പിച്ചു.  അദ്ധ്യാപകരുടേയും  പോതുപ്രവർത്തകരുടേയും കൂട്ടായ്മയിലൂടെയാണ്‌ ഇത്തരത്തിൽ മനോഹരമായ റാലി  സംഘടിപ്പിച്ചത്. തുടർന്ന് എല്ലാ വിഭാഗത്തിലെയും കുട്ടികളും, അദ്ധ്യാപകരും  PTA  അംഗങ്ങളും  "കരുണാലയം" സന്ദർശിച്ച് അന്ധേവാസികളുമായി  വിവിധ കലാപരിപടികളോട് കൂടി സ്വാതന്ത്ര്യദിനം ആഘോഷിച്ചു. അന്തേവാസി കൾക്ക് ഉച്ചഭക്ഷണം സ്കൂൾ കുട്ടികളുടെ വകയായി  നൽകുകയും ചെയ്തു.

Read More

സംസ്കൃത ദിനാചരണം 2014-15

          സംസ്കൃത ദിനാചരണ പരിപാടികൾ  ഓഗസ്റ്റ്‌  10 ഞായറാഴ്ച  അവധി  ദിനം ആയതിനാൽ   ഓഗസ്റ്റ്‌ 11, 2014  തിങ്കളാഴ്ച  പകൽ  11 മണിക്ക് എഴുത്തച്ചൻ  മണ്ഡപത്തിൽ ഈശ്വര പ്രാർത്ഥനയോടെ  ആരംഭിച്ചു. ശ്രാവണ  പൗർണമി ദിനത്തിലാണ്‌ എല്ലാ വർഷവും  സംസ്‌കൃത ദിനം ആചരിച്ചു വരുന്നത് .1969 -ൽ  ഇന്ദിരാഗാന്ധി സർക്കാരാണ് ശ്രാവണ പൂർണിമ  ദിനം സംസ്കൃതദിനമായി പ്രഖ്യാപിച്ചത്. നമ്മുടെ സ്കൂളിലെ  ദിനാചരണം  ബഹുമാന്യയായ  ഹെട്മിസ്ട്രസ്  ശ്രീമതി . ലളിതമ്മ  ടീച്ചർ  നിലവിളക്ക്  കൊളുത്തി ഉദ്ഘാടനം ചെയ്തു. ടീച്ചറിന്റെ  വാക്കുകൾ  സംസ്‌കൃത  ഭാഷയോട്  താല്പര്യം ജനിക്കതക്കവിധം പ്രചോദനമായി വിദ്യാർഥികൾക്കെല്ലാവർക്കും .

             സംസ്കൃതാധ്യപിക ശ്രീമതി. സുനിത ടീച്ചർ ചടങ്ങിലേക്ക് എല്ലാവരെയും  സ്വാഗതം ചെയ്തു. എട്ടാം ക്ലാസ് വിദ്യാർത്ഥിനി  കൃഷ്ണേന്ദു  അജിത്‌ സംസ്കൃത ദിന പ്രതിജ്ഞ  ചൊല്ലി . കുട്ടികൾ പ്രതിജ്ഞ  ഏറ്റു  ചൊല്ലി . കൂടാതെ പ്രഭാഷണങ്ങൾ , സംസ്കൃത ദിന സന്ദേശം, ആപ്തവാക്യങ്ങൾ, സംസ്കൃത ഭാഷയെ കുറിച്ച് മഹാന്മാരുടെ വാക്കുകൾ, സുഭാഷിതം,സംഘഗാനം, ഗാനാലാപനം, തുടങ്ങിയ വിവിധ പരിപാടികൾ കുട്ടികൾ അവതരിപ്പിച്ചു.

               ചടങ്ങിൽ സീനിയർ അദ്ധ്യാപകൻ ശ്രീ. വിൽസണ്‍ , സ്റ്റാഫ്‌ സെക്രട്ടറി ശ്രീ.സതീശൻ. എസ്,. ശ്രീമതി. ശാന്തകുമാരി  ടീച്ചർ, ശ്രീമതി.കനകലത  ടീച്ചർ,സുചേത ടീച്ചർ എന്നിവർ പങ്കെടുത്തു. വന്ദേമാതരത്തോടെ  ദിനാചരണ പരിപാടികൾ സമാപിച്ചു. 

              

Read More

ആസൂത്രിത സമഗ്ര വികസന പദ്ധതികൾ

ആസൂത്രിത സമഗ്ര വികസന പദ്ധതികൾ

Read More

ഇനി പഠനം പുതിയ ക്ലാസ് മുറിയില്‍

Read More

• കുട്ടികളെ തല്ലുന്ന

   അധ്യാപകര്‍ക്കും

  രക്ഷിതാക്കള്‍ക്കും

  ഇനിമുതല്‍ ജയില്‍ ശിക്ഷ

  ന്യൂഡല്‍ഹി: വേണ്ടതിനും വേണ്ടാത്തതിനും കുട്ടികളെ തല്ലുന്ന അധ്യാപകരും മാതാപിതാക്കളും ജാഗ്രതൈ! ബാലനീതി നിയമത്തിലെ ഭേദഗതി ബില്ലില്‍ വിദ്യാര്‍ത്ഥികളെ തല്ലുന്ന അധ്യാപകര്‍ക്കും രക്ഷകര്‍ത്താക്കള്‍ക്കുമെതിരെ കടുത്ത ശിക്ഷയ്ക്ക് ശുപാര്‍ശ. ഇത്തരം കേസുകളില്‍ അധ്യാപകര്‍ക്കും രക്ഷകര്‍ത്താക്കള്‍ക്കും അഞ്ച് വര്‍ഷം വരെ പരമാവധി തടവ് നല്‍കണമെന്നാണ് കേന്ദ്ര വനിതാ ശിശുക്ഷേമ മന്ത്രാലയത്തിന്റെ നിലപാട്. നിര്‍ദ്ദേശങ്ങള്‍ ഉള്‍ക്കൊള്ളിച്ചുകൊണ്ടുള്ള കരട് ബില്‍ കേന്ദ്ര നിയമമന്ത്രാലയത്തിന്റെ പരിഗണനക്കയച്ചു. കേന്ദ്രസര്‍ക്കാരിന്റെ പുതിയ ബാലനീതി നിയമത്തിലാണ് കുട്ടികള്‍ക്കെതിരായ ശാരീരികവും മാനസികവുമായ പീഡനങ്ങള്‍ക്ക് കര്‍ശന ശിക്ഷകള്‍ ഉള്‍പ്പെടുത്തിയിട്ടുള്ളത്. കുട്ടിക്കുറ്റവാളികളുടെ പ്രായപരിധി 18ല്‍ നിന്നും 16 ആക്കി ഭേദഗതി ചെയ്ത നിയമത്തിലാണ് പുതിയ ശുപാര്‍ശകളും ഉള്‍പ്പെടുന്നത്. കുട്ടികള്‍ക്ക് കരുതലും സുരക്ഷയും എന്ന പേരിലാണ് പുതിയ നിയമം അവതരിക്കുന്നത്. പല പാശ്ചാത്യരാജ്യങ്ങളിലും മാതാപിതാക്കള്‍ പോലും കുട്ടികളെ ശകാരിക്കുന്നത് ഗുരുതരമായ കുറ്റമാണ്. ഇത് കടംകൊണ്ടാണ് ബാലനീതി നിയമം പരിഷ്‌ക്കരിക്കാനുള്ള വനിതാ ശിശുക്ഷേമ മന്ത്രാലയത്തിന്റെ നീക്കം. കുട്ടികളെ ശാരീരികമായി പീഡിപ്പിച്ചാല്‍ ആദ്യം ആറുമാസം തടവും പിഴ ശിക്ഷയും നല്‍കും. ആവര്‍ത്തിച്ചാല്‍ മൂന്നു വര്‍ഷം മുതല്‍ അഞ്ചു വര്‍ഷം വരെ തടവുശിക്ഷ ലഭിക്കുന്ന കുറ്റമാകും. റാഗിംഗിന് മൂന്നുവര്‍ഷം വരെ ജയില്‍ ശിക്ഷ നല്‍കണമെന്നും ശുപാര്‍ശയുണ്ട്. ഇവരെ സ്ഥാപനങ്ങളില്‍ നിന്ന് നിര്‍ബന്ധമായും പുറത്താക്കണമെന്നും പുതിയ നിയമത്തിലുണ്ട്. പ്രായപൂര്‍ത്തിയായ വിദ്യാര്‍ത്ഥികളാണെങ്കില്‍ റാഗിംഗിന് കുറ്റകൃത്യത്തിന്റെ ഗൗരവമനുസരിച്ച് മൂന്നു വര്‍ഷം വരെ ജയില്‍ ശിക്ഷ ലഭിക്കും. അന്വേഷണവുമായി സഹകരിച്ചില്ലെങ്കില്‍ സ്ഥാപന മേധാവിക്കും മൂന്നു വര്‍ഷം വരെ തടവു ശിക്ഷ അനുഭവിക്കേണ്ടിവരും. അതേസമയം ഗുരുതരമായ കുറ്റകൃത്യങ്ങള്‍ ചെയ്യുന്നവരെ പ്രായം നോക്കാതെ കുറ്റകൃത്യത്തിന്റെ കാഠിന്യം നോക്കി ശിക്ഷിക്കണമെന്നും പരിഷ്‌ക്കരിച്ച ബാലനീതി നീയമത്തിലുണ്ട്.
• Read more at: http://www.indiavisiontv.com/2014/08/03/342856.html
• Copyright © Indiavision Satellite Communications Ltd

Read More