ഈ വർഷത്തെ  റിപ്പബ്ലിക് ദിനാഘോഷം  വിപുലമായി  ആഘോഷിച്ചു. SPC , NCC , JRC , NSS  എന്നിവയുടെ നേതൃത്വത്തി ൽ   റാലിയും  സംഘടിപ്പിച്ചു . കരുണാലയം  അന്ധേവാസികൾക്ക്  ആഹാരത്തിനായി  പണവും കുട്ടികൾ  പിരിവെടുത്ത്  നൽകി.

Read More

ദേശീയ ഗയിംസിന്  തുടക്കം  കുറിച്ചുകൊണ്ട് നടന്ന  ദീപശിഖാ പ്രയാണത്തിനു   ചാത്തന്നൂർ പഞ്ചായത്ത്  ഓഫീസിനു  മുൻപിൽ  വച്ച്  സ്കൂളിലെ  കുട്ടികളും , SPC , NCC  കേഡറ്റ്‌കളും ചേർന്നു  സ്വീകരണം  നൽകി. പ്രഥമ  അദ്ധ്യാപികയും  അദ്ധ്യാപകരും  പങ്കെടുത്തു .

Read More

RMSA ഫണ്ടിൽ  നിന്നും  അനുവദിച്ച  തുക ഉപയോഗിച്ച്  UP, HS  വിഭാഗം  കുട്ടികൾക്ക്  യോഗ ക്ലാസ്സ്‌  ആരംഭിച്ചു. ഒരു ദിവസം ഒരു മണിക്കൂറാണ്  ഒരു ക്ലാസ്സിലെ  കുട്ടികൾക്ക്  പരിശീലനം  നൽകുന്നത്. SSLC  പരീക്ഷ  എഴുതുന്ന  കുട്ടികൾക്ക്  മാനസിക  പിരിമുറുക്കം  ഒഴിവാക്കാനും  പഠനത്തിൽ  ശ്രദ്ധ  കേന്ദ്രീകരിക്കുവാനും  ഇത്  ഗുണകരമാകുമെന്ന്  വിലയിരുത്തുന്നു.

Read More

സ്കൂൾ ഉച്ചഭക്ഷണ പ്രോഗ്രാം  ധനസഹായം  ഉപയോഗിച്ച്  അടുക്കള  നവീകരണം  നടത്തി. തറ  ടൈൽസ്  പാകി പ്രാണികളും ജീവികളും  കയറാത്ത  വിധം  നെറ്റ് ഉപയോഗിച്ച്  ജനലുകളും  എയർ  ഹോളുകളും  അടച്ച്‌  കെട്ടിടം  പൂർണ്ണമായും  പെയിന്റ് ചെയ്തു. 60000/- രൂപയോളം  ചിലവായി . ഇതിനു ആവശ്യമായ  തുക  AEO  ഓഫീസിൽ  നിന്നും  അനുവദിച്ചു.

Read More

ദേശീയ ഗയിംസിനോട്  അനുബന്ധിച്ച  റണ്‍ കേരള റണ്‍ പരിപാടിയുടെ  ഭാഗമായി  എല്ലാ  വിഭാഗം കുട്ടികളെയും  പങ്കെടുപ്പിച്ച്  ചാത്തന്നൂർ ഗ്രാമ വീഥികളെ  പുളകമണിയിച്ച് കൂട്ട ഓട്ടം  നടന്നു . 

Read More

സമഗ്ര വിദ്യാഭ്യാസ വികസന സമിതി നടപ്പിലാക്കുന്ന പണികൾ പുരോഗമിക്കുന്നു. HS വിഭാഗം ഇരുനില കെട്ടിടത്തിന്റെ ക്ലാസ്സ്‌ മുറികൾ പൂർണ്ണമായും മള്‍ട്ടിമീഡിയ ക്ലാസ്സ്‌ മുറികളാക്കി നവീകരിക്കുന്നതിനുള്ള ഏകദേശം ആറ് ലക്ഷത്തി എഴുപത്തി അയ്യായിരം രൂപ പൂർവ്വ വിദ്യാര്‍ത്ഥിയും "ഇനാം ടവർ" ഉടമയുമായ ബയ്ത്ത്-അൽ-ഇനാം വീട്ടിൽ ശ്രീ. ഷാജഹാനാണ് വഹിച്ചത്. ഇദ്ദേഹത്തെ    2015 ജനുവരി  16 നു വികസന സമിതി ആദരിച്ചു. ബഹുമാന്യ  MLA  ശ്രീ. ജി .എസ് . ജയലാൽ  ഉപഹാരം  നൽകി . കെട്ടിടത്തിന്റെ  ഔദ്യോഗിക ഉദ്ഘാടനം  പിന്നീട്  നടക്കുന്നതാണ്.

വികസന സമിതി ലക്ഷ്യം  വയ്ക്കുന്ന  ഇനിയുള്ള  നിർമ്മാണ  പ്രവർത്തനങ്ങളിൽ പൂർവ്വ വിദ്യാര്‍ത്ഥികൾക്കും, അഭ്യുദയകാംക്ഷികൾക്കും  പങ്കാളികളാകാം!!........................ നിങ്ങളുടെ സ്കൂൾ നന്നാവട്ടെ!! ........................നമ്മുടെ അടുത്ത തലമുറക്കായി പ്രയോജനപ്പെടട്ടെ!!!!.......................വികസന സമിതി ലക്ഷ്യം വയ്ക്കുന്ന പ്രൊജക്ടുകൾ സ്കൂൾ ബ്ലോഗിൽ ലഭ്യമാണ് ....................... അവരവർക്കാകുന്നവ നടപ്പിലാക്കാൻ കൂട്ടായ്മകൾ പ്രയോജനപ്പെടുത്തു!!!!!!!!!!!

Read More

ഹൈസ്‌കൂള്‍, യു.പി ക്ലാസ് മുറികളിലും കെട്ടിട സമുച്ചയത്തിന്റെ വിവിധ സ്ഥലങ്ങളിലും ശബ്ദസംവിധാനം സ്ഥാപിച്ചു.  ഏകദേശം ഒരു ലക്ഷത്തി ഇരുപത്തി അയ്യായിരം  രൂപയോളം ചിലവായി. പതിനായിരം രൂപ പൂര്‍വ്വ വിദ്യാത്ഥിയായ ശ്രീ.സുരേഷ്‌കുമാര്‍  (കലാതിലകം  1978  SSLC )  നല്‍കി. ഈ സംവിധാനം ഉപയോഗിച്ച് റേഡിയോ ക്ലബ് പ്രവര്‍ത്തിപ്പിക്കുന്നതിലേക്കായി പതിനായിരം രൂപ വിലയുള്ള കോഡ്‌ലെസ്സ് മൈക്ക് തന്റെ അച്ഛന്റെ ഓര്‍മ്മയ്ക്കായി പൂര്‍വ്വ വിദ്യാര്‍ത്ഥിയും പൂര്‍വ്വ കണക്ക് അദ്ധ്യാപകന്‍ ജി..ശ്രീനിവാസന്‍ സാറിന്റെ മകനുമായ ശ്രീ. ദീലീപ് ശ്രീനിവാസന്‍1978  SSLC  വാങ്ങി നല്‍കി.  19 + 1 ക്ലാസ് മുറികളില്‍ സ്ഥാപിച്ച  സ്പീക്കര്‍  ഒരെണ്ണം ആയിരത്തി അറുനൂറ് രൂപയാണ് കണക്കാക്കിയിട്ടുള്ളത്.   ഇത് അതാത്  ക്ലാസ്സിലെ  കുട്ടികളും  ക്ലാസ്സ്‌ അദ്ധ്യാപകരും ചേർന്നു  നിർവഹിച്ചു. HS  ജെന്റ്സ്  സ്റ്റാഫ്‌ റൂമിൽ  5  അധ്യാപകർ  മാത്രമായും ഒരു സ്പീക്കര്‍ സ്ഥാപിച്ചു .ഒരു ക്ലാസിലേക്ക് സ്പീക്കര്‍  വാങ്ങുന്നതിനാവശ്യമായ തുക  അഞ്ച്, ഏഴ് ക്ലാസുകളിലെ കുട്ടികളുടെ രക്ഷകര്‍ത്താവും പി. റ്റി. എ എക്‌സിക്യൂട്ടീവ് അംഗവുമായ ശ്രീ.ബിജു  കൊച്ചംബനാട്   നല്‍കി. ബാക്കി ചിലവായ  തുക  പൂർണ്ണമായും  സ്കൂളിലെ  HS , UP  വിഭാഗം  അദ്ധ്യാപകരും  അനദ്ധ്യാപകരും ചേർന്ന്  തുല്യമായി  വഹിച്ചു . ഇത്  പ്രവർത്തനം  ആരംഭിച്ചിട്ടുണ്ട്. ഔദ്യോഗിക  ഉദ്ഘാടനം  പിന്നീട്  നടക്കുന്നതാണ്. ഇതിനായി  പരിശ്രമിച്ച  എല്ലാവർക്കും  നന്ദി  അറിയിക്കുന്നു .   

Read More

2015 SSLC  പരീക്ഷ  എഴുതുന്ന  കുട്ടികൾക്കായി  പ്രത്യേക പരീക്ഷാ  പരിശീലനം  അരംഭിച്ചു. ക്രിസ്തുമസ്  പരീക്ഷയ്ക്കു  ലഭ്യമായ  മാർക്കിന്റെ  അടിസ്ഥാനത്തിൽ  ഗ്രേഡ്  തരം തിരിച്ചു  പിന്നോക്കം നിൽക്കുന്ന  കുട്ടികൾക്കായി  തീവ്ര  പരിശീലനമാണ്  നടക്കുന്നത്. ഇതിന്റെ  വിജയത്തിനായി  എല്ലാ രക്ഷാകർത്താക്കളും കുട്ടികൾ സ്കൂളിൽ  എത്തുന്നു  എന്ന് ഉറപ്പ്  വരുത്തുവാൻ  ശ്രദ്ധിക്കുക. ആണ്‍ കുട്ടികൾക്കായി  രാത്രി  പരിശീലന  ക്ലാസുകൾ  ഉടൻ ആരംഭിക്കുന്നതാണ്. ഇതിനായി രക്ഷാകർത്താവിന്റെ  സമ്മതപത്രം  ആവശ്യമാണ്. ലഘു ഭക്ഷണം  നൽകുന്നതിനായി സാമ്പത്തികം  നൽകാൻ  താല്പര്യം  ഉള്ളവർ  സ്കൂളിൽ  ബന്ധപ്പെടുക 

Read More

വിദ്യാരംഗം കലാസാഹിത്യ വേദി  ജില്ലാ  സംസ്ഥാന  തല മത്സരങ്ങളിൽ മലയാളം കഥാരചനയിൽ  വിജയിയായ  ഹരിപ്രിയ.ബി.സി  10 D 

Read More

കൊല്ലം ജില്ലാ  കലോത്സവത്തിൽ  UP  വിഭാഗം  സംഘ നൃത്തത്തിൽ  A  ഗ്രേഡ്  കരസ്ഥമാക്കിയ ടീം  അംഗങ്ങൾ

. 

Read More

ചാത്തന്നൂർ നിയോജക മണ്ഡലത്തിൽ ബഹുമാന്യ MLA  ശ്രീ. ജി.എസ് . ജയലാൽ   നേതൃത്വം നൽകി  നടന്നു വരുന്ന സമഗ്ര വിദ്യാഭ്യാസ വികസന  പദ്ധതിയുടെ ഭാഗമായി ചാത്തന്നൂർ Govt. VHSS - ന്റെ സമഗ്ര വികസന സമിതി മുഖേന നടത്തുന്ന നിർമ്മാണ പ്രവർത്തനങ്ങൾ തുടരുന്നു. VHSE, HSS  എന്നിവ  പ്രവർത്തിക്കുന്ന മൂന്നു നില കെട്ടിടം  ക്ലാസ്സ്‌ മുറികൾ ടൈൽസ്  പാകി പെയിന്റിംഗ് ജോലികൾ  ഉൾപ്പെടെ പൂർത്തിയാക്കുവാൻ വേണ്ട പണികളുടെ ഉദ്ഘാടനം  2015 ജനുവരി 5 നു   ബഹു: ഗ്രാമപഞ്ചായത്ത്  പ്രസിഡന്റ്‌ ശ്രീ .എ. സുരേഷിന്റെ സാന്നിധ്യത്തിൽ ബഹു:  MLA  ശ്രീ. ജി.എസ് . ജയലാൽ    നിർവഹിച്ചു. തദവസരത്തിൽ  വാർഡ്‌  മെമ്പർ  ശ്രീമതി. ശൈലജ  പ്രേം,  വികസനസമിതി  ചെയർമാൻ ശ്രീ. സജാദ് സഹീർ , കണ്‍വീനർ അഡ്വ: ആർ. ദിലീപ് കുമാർ,  HM  ശ്രീമതി ലളിതമ്മ. എസ്, HSS  പ്രിൻസിപ്പൽ  ശ്രീമതി. ഷീബ.എസ്   , VHSE പ്രിൻസിപ്പൽ ഇൻ ചാർജ്  ശ്രീമതി. രാഖി.എസ്  രക്ഷിതാക്കൾ  അദ്ധ്യാപകർ വിദ്യാര്‍ത്ഥികള്‍ എന്നിവർ പങ്കെടുത്തു .

HSS   വിഭാഗം മൂന്നു നില  കെട്ടിടത്തിന്റെ ക്ലാസ്സ്‌ മുറികൾ പൂർണ്ണമായും സ്മാർട്ട്  ക്ലാസ്സ്‌ മുറികളാക്കി  നവീകരിക്കുന്നതിനുള്ള ഏകദേശം പതിനെട്ടു  ലക്ഷം   രൂപ  പേര് വെളിപ്പെടുത്താൻ ആഗ്രഹിക്കാത്ത ഒരു അഭ്യൂദയകാംഷി യാണ് വഹിക്കുന്നത് . 

Read More

പത്തനാപുരം ഗാന്ധിഭവൻ സന്ദർശനം

നല്ല പാഠം  പദ്ധതിയുടെ  ഭാഗമായി  പത്തനാപുരം  ഗാന്ധിഭവൻ  സന്ദർശനം 

സ്കൂളിലെ  കുട്ടികളും  അദ്ധ്യാപകരും   അനദ്ധ്യാപകരും കൂടി  ശേഖരിച്ച  വസ്ത്രങ്ങളും   ഭക്ഷണ  ആവശ്യത്തിനായി  ഒരു ചാക്ക് അരിയും  ഗാന്ധിഭവനിൽ  നൽകി. ഇരുപതോളം  കുട്ടികളും  അദ്ധ്യാപകരും  ഇവിടം  സന്ദർശിച്ചു . അന്ധേവാസികൾക്കൊപ്പം  ഉച്ചഭക്ഷണവും  കഴിച്ച്  കലാപരിപടികളും  അവതരിപ്പിച്ച്  കുറച്ച്  സമയം  ചിലവഴിച്ചു വൈകുന്നേരം  സംഘം  തിരിച്ചെത്തി .

Read More

നല്ല പാഠം

നെടുങ്ങോലം  ഗവ: രാമറാവു  ആശുപത്രിയിലെ  രോഗികൾക്കായി  കുട്ടികൾ വീടുകളിൽ നിന്നും ഉച്ചഭക്ഷണം  പൊതികളാക്കി  ശേഖരിച്ചു   വിതരണം  ചെയ്തു.  നല്ല പാഠം പദ്ധതിയുടെ  ഭാഗമായി  നടത്തിയ  ഈ  സംരംഭത്തിൽ എല്ലാ  വിഭാഗത്തിലേയും  കുട്ടികൾ  ഭക്ഷണ  പൊതികൾ  കൊണ്ടുവന്നു. ആശുപത്രി സുപ്രണ്ട്  ഡോക്ടർ  രാജുവിൻറെ  സാനിദ്ധ്യത്തിൽ   അദ്ധ്യാപകരുടെ നേതൃത്വത്തിൽ  രോഗികൾക്കായുള്ള  ഭക്ഷണപൊതികൾ  വിതരണം  ചെയ്തു.

Read More